ანტვერპენთან მატჩში ირაკლი აზაროვი შახტარის ძირითად შემადგენლობაშია

ჩემპიონთა ლიგის ჯგუფური ეტაპის მეორე ტურში ,,ანტვერპენი'' დონეცკის ,,შახტარს'' უმასპინძლებს. მატჩი 20:45 საათზე დაიწყება.

უკრაინული გუნდის ძირითად შემადგენლობაში მოხვდა ირაკლი აზაროვი. კიდევ ერთი ქართველი ფეხბურთელი, გიორგი გოჩოლიეშვილი კი სათადარიგოთა სკამზეა.

ქართველი ფეხბურთელების დებიუტი ლიგაზე გასულ ტურში, ,,პორტუსთან'' შეხვედრაში შედგა - აზაროვი მატჩში 65-ე წუთზე ჩაერთო, გოჩოლეიშვილი კი 76-ეზე.

პირველი ტურის შემდეგ ,,ანტვერპენი'' და ,,შახტარი უქულოდ არიან და ჯგუფში მე-3 და მე-4 ადგილს იკავებენ.