ანდრია ბართიშვილის სატრანსფერო ღირებულება თითქმის გაორმაგდა - Transfermarkt

ქართველი ფეხბურთელი ანდრია ბართიშვილი, ახლახანს გადავიდა ფოთის კოლხეთიდან ლონდონის არსენალში და მისი სატრანსფერო ღირებულება ოფიციალურად 1 მილიონი ევროთი გაიზარდა. მისი საბაზრო ღირებულება იჯარით იბერია 1999-ში თამაშისას 1.5 მილიონ ევროს შეადგენდა, მაგრამ დღეს Transfermarkt-ის განახლებული ფასების მიხედვით, 2.5 მილიონ ევროა.

ლონდონის არსენალმა ქართველი ფეხბურთელი 4.5 მილიონ ევროდ შეიძინა და 2027 წლის ზაფხულში, როდესაც ანდრია 18 წლის გახდება მეთოფეებში ითამაშებს.

ანდრია ბართიშვილი დინამო თბილისის აკადემიის აღზრდილია და ამჟამად ფოთის კოლხეთი 1913-ს ეკუთვნის. ის იჯარით იბერია 1999-ის შემადგენლობაში თამაშობს. საქართველოს ასაკობრივ ნაკრებებში ანდრია ბართიშვილს 25 მატჩი აქვს ჩატარებული და 9 გოლი (7 U17/ 2 U19) გატანილი.

იბერია 1999-ში 2 გოლი და 3 საგოლე გადაცემა უფიქსირდება, ხოლო ფოთის კოლხეთში 1 საგოლე გადაცემა აქვს შესრულებული.