ანჩელოტი: "ბიჭებმა ბრწყინვალე ფეხბურთი აჩვენეს"

ბრაზილიის ეროვნულმა ნაკრებმა მსოფლიო ჩემპიონატის ჯგუფური ეტაპის მეორე ტურში უმნიშვნელოვანესი და დამაჯერებელი გამარჯვება მოიპოვა. მასპინძელ ამერიკაში, მას შემდეგ რაც სასტარტო მატჩში მაროკოსთან ქულები დაკარგეს (1:1), კარლო ანჩელოტის შეგირდებმა ჰაიტის ნაკრები 3:0 გაანადგურეს და მეორე ტური ჯგუფში პირველ პოზიციაზე დაასრულეს.

მატჩის შემდეგ ბრაზილიელთა იტალიელმა მთავარმა მწვრთნელმა - კარლო ანჩელოტიმ, გუნდის თამაშის ხარისხი შეაქო და პროგრესს გაუსვა ხაზი.

ამ გამარჯვების შემდეგ ბრაზილია 4 ქულით C ჯგუფის ლიდერი გახდა. „სელესაოს“ იმდენივე ქულა აქვს, რამდენიც მაროკოს, თუმცა სამხრეთამერიკელები ბურთების უკეთესი ბალანსით (+3) პირველ ადგილს იკავებენ.

ჯგუფური ეტაპის დასკვნით და გადამწყვეტ შეხვედრას ბრაზილიის ნაკრები ოთხშაბათს, 24 ივნისს, შოტლანდიის წინააღმდეგ გამართავს. მატჩი მაიამიში, „ჰარდ როკ სტედიუმზე“ შედგება და ანჩელოტის გუნდს პლეი-ოფის პირველი ადგილით განაღდებისთვის მხოლოდ გამარჯვება სჭირდება.