მიუხედავად იმისა, რომ უმეტეს მატჩებში ერთმანეთს უშუალო კონკურენტები დაუპირისპირდნენ, ეროვნული ლიგის მეთერთმეტე ტური ერთ-ერთი ყველაზე მწირგოლიანი გამოდგა. ყველაზე უხვგოლიანი შეხვედრა თბილისში გაიმართა, სადაც ესპანეთში გასამგზავრებლად გამზადებულმა "ლოკომოტივმა" "ჩიხურას" - 4:1 აჯობა. ცენტრალური მატჩი ქუთაისში შედგა, სადაც "დინამოების" დაპირისპირებაში, თბილისელებმა - 3:1 იმარჯვეს. რამაზ შენგელიას არენაზევე, ერთი დღის შემდეგ შედგა ის ბოლო დაპირისპირება, რომელიც უგოლოდ არ დასრულებულა - "ტორპედომ" "სამტრედიას" - 2:1 აჯობა. "საბურთალოსა" და "მერანის" და "დილასა" და "თელავის" შეხვედრა გოლის გარეშე დასრულდა.