8 543 მატჩში პირველად - იაპონიისა და ავსტრალიის მატჩში უნიკალური ფაქტი დაფიქსირდა
აზიაში, მსოფლიო ჩემპიონატის საკვალიფიკაციო ეტაპის C ჯგუფის მე-4 ტურის შეხვედრა იაპონიისა და ავსტრალიის ნაკრებებს შორის, ფრედ, ანგარიშით 1:1 დასრულდა. მატჩში ორი ავტოგოლი გავიდა - საკუთარ კარში ჯერ შოგო ტანიგუჩიმ გაიტანა, შემდეგ კი - კამერონ ბერჯესმა.
ესპანელი ჟურნალისტი, ალექსის მარტინ-ტამაიო, იგივე MIsterChip, სოციალურ ქსელში საინტერესო ინფორმაციას ავრცელებს. მისი ცნობით, მსოფლიო ჩემპიონატის შესარჩევი ეტაპების ისტორიაში (დაახლოებით 8 550 მატჩში), ეს პირველი მატჩია, რომელიც ფრედ 1:1, მხოლოდ ავტოგოლებით დასრულდა.
4 ტურის შემდეგ, იაპონია C ჯგუფში 10 ქულით ლიდერობს, ავსტრალია კი 5 ქულით მე-2 ადგილს იკავებს. მომავალ შეხვედრას იაპონელები ინდონეზიის წინააღმდეგ გამართავენ, ავსტრალიელები კი საუდის არაბეთს დაუპირისპირდებიან.
JPN 1-1 AUS (FT) - Y en el partido número 8.543 en la historia de las Eliminatorias para la Copa del Mundo sucedió lo que nunca antes había pasado: primer encuentro de Eliminatorias que finaliza 1-1, en el que ambas selecciones se benefician de un autogol.
— MisterChip (Alexis) (@2010MisterChip) October 15, 2024