38 წლის დავიდ ლუისი კარიერას კვიპროსულ გუნდში გააგრძელებს

ბრაზილიელი ვეტერანი ფეხბურთელი დავიდ ლუისი კარიერას კვიპროსულ პაფოსში გააგრძელებს. 38 წლის მცველი კლუბში თავისუფალი აგენტის სტატუსით გადავიდა და 2-წლიანი ხელშეკრულება გააფორმა.

პაფოსი 2014 წელს დაარსდა და გასულ 2024/25 წლების სეზონში პირველად გახდა კვიპროსის ჩემპიონატის გამარჯვებული.

დავიდ ლუისი ბოლოს მშობლიურ კუთხეში, ფლამენგოსა და ფორტალეზაში ასპარეზობდა.

კარიერის განმავლობაში დავიდ ლუისს ბევრ სხვადასხვა კლუბში უასპარეზია, ესენია: ვიტორია, ბენფიკა, ჩელსი, პსჟ, არსენალი, ფლამენგო და ფორტალეზა.