25-წლიანი ისტორიის დასასრული?! - მიულერი ბაიერნს სეზონის ბოლოს დატოვებს

ერთ-ერთი ყველაზე ცნობილი და გავლენიანი გერმანული გაზეთის "Süddeutsche Zeitung"-ის ცნობით, "ბაიერნისთვის" ამ ეტაპზე კლუბის ფინანსები მთავარი პრიორიტეტია და ამის გამო, მათ სეზონის ბოლოს ლეგენდარული - ტომას მიულერი გაშვება მოუწევთ.

ტომას მიულერი "ბაიერნის" ერთ-ერთი ყველაზე მაღალშემოსავლიანი ფეხბურთელია, იგი წლიური ხელფასის სახით 10 მილიონ ევროზე მეტის იღებს. "რეკორდმაისტერი" ფულის დაზოგვას მას შემდეგ ცდილობს, რაც ჯოშუა კიმიხს, მანუელ ნოიერსა და ალფონსო დეივისს ახალო კონტრაქტი გაუფორმა.

გერმანული საფეხბურთო ჟურნალის "Kicker"-ის ინფორმაციით, ამ ზაფხულს მსოფლიო საკლუბო ჩემპიონატიდან მიღებული შემოსავალი "ბაიერნს" 2024/25 წლების ფინანსური მარცხისგან იხსნის. ასე რომ, 35 წლის მიულერი, რომელიც უკვე აღარ არის კლუბის დამწყები ფეხბურთელი, კლუბიდან გათავისუფლების მთავარი კანდიდატია.

გერმანულ მედიაში გავრცელებული ინფორმაციით, მიულერი შოკირებული იყო, როდესაც მას ახალი კონტრაქტი არ შესთავაზეს, ასევე ცხადია, რომ ის აღარ თამაშობს ისეთ დიდ როლს, როგორც ადრე.

შეგახსენებთ, რომ ტომას მიულერი "რეკორდმაისტერის" ღირსებას 2000-წლიდან, ჯერ კიდევ ღრმა ბავშობიდან იცავს. იგი 2000-წელს ამ კლუბში მივიდა, პროფესიონალური კარიერა კი 2006 წლიდან დაიწყო, რა პერიოდშიც მან 742 მატჩი ჩაატარა - გოლის გატანით თავი 247-ჯერ, ხოლო საგოლე გადაცემით 273-ჯერ გამოიჩინა. მან "ბაიერნთან" ერთად ყველა შესაძლო ტურნირი არაერთხელ მოიგო.