"10 ნომრის პოზიცია ნელ-ნელა ქრება" - სესკ ფაბრეგასი
ყოფილმა ესპანელმა ფეხბურთელმა და ახლა უკვე მთავარმა მწვრთნელმა სესკ ფაბრეგასმა თანამედროვე ფეხბურთზე ისაუბრა. ფაბრეგასმა განსაკუთრებული ყურადღება 10 ნომრის პოზიციაზე გაამახვილა.
10 ნომრის პოზიცია ნელ-ნელა ქრება. ისეთი ხარისხის ფეხბურთელები როგორებიც მესუთ იოზილი და ხამეს როდრიგესი არიან, მწვრთნელებს აღარ აინტერესებთ. მათ თამაშის ბედის შეცვლა ერთი შესანიშნავი გადაცემით შეუძლიათ, მაგრამ მწვრთნელებს ახლა უფრო სტაბილური სტრუქტურა აინტერესებთ. როცა კონტე "ჩელსიში" მოვიდა, მაშინ მივხვდი როგორი იყო თანამედროვე ფეხბურთი - ბევრი სირბილი, რობოტული ვარჯიშები და აუტანელი დატვირთვები. ამის დაჯერება მიჭირდა. ყოველთვის შემოქმედი მოთამაშე ვიყავი და ეს ჩემთვის ხელოვნებას ჰგავდა. - განაცხადა სესკ ფაბრეგასმა
🎙️ Cesc Fábregas: "The No.10 position is disappearing. Guys of the quality of Özil or James Rodriguez no longer interest coaches. These players are capable of unlocking a match with a brilliant pass, but now the coach prefer to have a stable structure.
— Football Tweet ⚽ (@Football__Tweet) November 13, 2023
When Conte arrived at… pic.twitter.com/H5OaFP9eRj
შეგახსენებთ, რომ გუშინ სესკმა სამწვრთნელო კარიერა ოფიციალურად დაიწყო. ის იტალიის სერია ბ-ს კლუბ "კომოს" გაწვრთნის. ესპანელი მთელი სეზონის განმავლობაში "კომოს" ახალგაზრდულ გუნდში მუშაობდა და სწავლობდა მთავარი მწვრთნელის საქმიანობას.
"კომო" ამჟამად სერია B-ში მე-6 ადგილს იკავებს, სადაც 12 მატჩში 21 ქულა აქვს.