1-წლიანი პაუზის შემდეგ, ნეიმარი მოედანს უბრუნდება

დღეს, აზიის ჩემპიონთა ლიგის მე-3 ტურში, ,,ალ ჰილალი'' ,,ალ აინს'' ესტუმრება, მატჩი 20:00 საათზე დაიწყება.

სტუმართა განაცხადში მოხვდა ნეიმარი, რომელსაც უმძიმესი ტრავმის გამო 2023 წლის 18 ოქტომბრის შემდეგ არ უთამაშია.

რამდენიმე კვირის წინ, ,,ალ ჰილალის'' მთავარმა მწვრთნელმა განაცხადა, რომ 32 წლის ფეხბურთელი მოედანს, სავარაუდოდ, იანვარში დაუბრუნდებოდა, თუმცა, როგორც ჩანს, მის სრულად გამოჯანმრთელებას მოსალოდნელზე ნაკლები დრო დასჭირდა.

ბრაზილიელს ,,ალ ჰილალის'' მაისურით სულ 5 შეხვედრა აქვს ჩატარებული, რომლებშიც 1 გოლი გაიტანა და 3 საგოლე გადაცემა მიითვალა.