სასტუმრო ამბასადორი კაჭრეთში სამოყვარულო ტურნირი GTP CUP გაიმართება

20-22 სექტემბერს ამბასადორი კაჭრეთში, ერთეულთა და წყვილთა თანრიგში, ჩოგბურთის სამოყვარულო ტურნირი გაიმართება, რომელშიც არაერთი მოყვარული ჩოგბურთელი მიიღებს მონაწილეობას.

"GTP CUP"-ის საპრიზო ფონდი 6000 ლარს შეადგენს და მისი გენერალური სპონსორი კომპანია betlive-ა. აღსანიშნავია, რომ betlive-ის მხარდაჭერით გასულ წელს უკვე გაიმართა "Paragraph Cup", სადაც მაღალი დონის საჩოგბურთო დაპირისპირებები შედგა.

გასული წლის ოქტომბერში, შეკვეთილში ჩატარებულ სამოყვარულო ტურნირზე მონაწილეობა რეკორდული რაოდენობის მოყვარულმა ჩოგბურთელმა მიიღო - ერთეულთა თანრიგის გამარჯვებული და Paragraph Cup-ის ჩემპიონი ზვიად კალმახელიძე გახდა. წყვილთა თანრიგში კი დავით ხაბურძანიასა და ნიკა აკოფიანის წყვილმა პირველობა არავის დაუთმო.

"GTP CUP"-ის ორგანიზატორები აღნიშნავენ, რომ ტურნირზე დარეგისტრირებული მოთამაშეებიდან გამომდინარე, მაღალი დონის მატჩების გამართვა იქნება შესაძლებელი.

შეგახსენებთ, კომპანია betlive-ის მხარდაჭერით სამოყვარულო საჩოგბურთო ტურნირი "GTP CUP" 20-22 სექტემბერს, ამბასადორი კაჭრეთში გაიმართება და მასში მოყვარული ჩოგბურთელები მიიღებენ მონაწილეობას.