საქართველოს ნაკრებმა დევისის თასის წყვილთა თანრიგში ლიეტუვა დაამარცხა

საქართველოს მამაკაცთა ეროვნული ნაკრები, ლიეტუვას დედაქალაქ ვილნიუსში, დევისის თასზე მონაწილეობს.

დღეს წყვილთა თანრიგში ალექსანდრე ბაკშიმ და ალექსანდრე მეტრეველმა ლიეტუველების ტადას ბაბელისის და ედას ბუტვილასის წყვილი 1:2 დაამარცხეს. პირველი სეტი ქართველების გამარჯვებით 5:7 დასრულდა, მეორე სეტში ლიეტუვის ნაკრებმა 6:4 მოიგო, მესამე გადამწყვეტ სეტში კი ქართულმა წყვილმა 4:6 გაიმარჯვა.

დღეს კიდევ ორი მატჩი გაიმართება, ოღონდ ამჯერად ერთეულთა თანრიგში. რიკარდას ბერანკისი საბა ფურცელას შეხვდება - მატჩი 16:55 საათზეა დაგეგმილი. 18:35 საათზე ზურა ტყემალაძე ვილიუს გაუბასს დაუპირისპირდება.

ვილნიუსიდან მატჩების ტრანსლირებას უზრუნველყოფს საქართველოს ჩოგბურთის ფედერაციის ოფიციალური მედია პარტნიორი ბილაივი.