პროფესიონალურ ჩოგბურთში დიეგო ფორლანის დებიუტი შედგა

ურუგვაის ეროვნული ნაკრების ყოფილმა ფეხბურთელმა, დიეგო ფორლანმა, პროფესიონალურ ჩოგბურთში პირველი შეხვედრა ჩაატარა.

45 წლის ურუგვაელმა, ფედერიკო კორიასთან ერთად, მონტევიდეოში, ჩელენჯერზე ითამაშა და ბოლივიურ წყვილთან 2 სეტში, 1:6, 2:6 დამარცხდა.

ძალიან ვისიამოვნე! თავი ჩოგბურთელად ვიგრძენი. იმის ალბათობა, რომ ჩვენთვის რთული მატჩი იქნებოდა, ძალიან დიდი იყო... 2017-2018 წლებში არაოფიციალურ შეხვედრებში ვითამაშე, მაგრამ დღევანდელი გამოცდილება სულ სხვაა... - განაცხადა ფორლანმა მატჩის შემდეგ.

ფორლანს საფეხბურთო კარიერის განმავლობაში არაერთ გუნდში, მათ შორის ,,მანჩესტერ იუნაიტედში'', ,,ვილიარეალში'', ,,ატლეტიკოსა'' და ,,ინტერში'' უთამაშია. დიეგო 2010 წელს მსოფლიო ჩემპიონატის საუკეთესო ფეხბურთელად დასახელდა.