ნოვაკ ჯოკოვიჩი: "მსურს კარიერა 2028 წლის ოლიმპიადაზე, სერბეთის დროშით ხელში დავასრულო"

ლეგენდარულმა სერბმა ჩოგბურთელმა - ნოვაკ ჯოკოვიჩმა, გასულ კვირაში ATP ტურის 101-ე ტიტული ათენში მოიგო. მან ფინალში იტალიელი ჩოგბურთელი - ლორენცო მუსეტი, დრამატულ დაპირისპირებაში დაამარცხა.

ბოლო თვეების განმავლობაში, ლეგენდარულ ნოვაკ ჯოკოვიჩს არაერთხელ ეკითხებოდნენ, თუ როდის აპირებდა კარიერის დასრულებას. სერბი ყოველთვის თავს არიდებდა კონკრეტული თარიღის დასახელებას. თუმცა, ამჯერად, როგორც ჩანს, მას მკაფიო წარმოდგენა აქვს, თუ სად სურს კარიერის დასრულება. ამ ყველაფერზე მან ტიტულის მოგების შემდეგ ისაუბრა.

შეგახსენებთ, რომ 38 წლის სერბი ჩოგბურთის ისტორიაში ყველაზე მეტი გრანდ სლემის მფლობელია (24). მან თავის დიდებულ კარიერას 2024 წელს ოლიმპიური ჩემპიონობაც შემატა, თუმცა ფაქტია, რომ ასაკის მიუხედავად, იგი გაჩერებას არ აპირებს.

ისღა დაგვრჩენია დაველოდოთ და თუ დიდი ნოვაკი შეძლებს, 2028 წლის ლოს ანჯელესის ოლიმპიადაზეც დავტკბეთ მისი თამაშითა და კარიერით.