იანიკ სინერი ამერიკის ღია პირველობის ჩემპიონია

ახალგაზრდა იტალიელმა ჩოგბურთელმა, იანიკ სინერმა, ამერიკის ღია პირველობის ფინალში ტეილორ ფრიცი (ამერიკელი) 3 სეტში (6-3 | 6-4 | 7-5) დაამარცხა და კარიერაში მეორე დიდი სლემის ტურნირი მოიგო.

მსოფლიოს ნომერ პირველი ჩოგანი გახდა მხოლოდ მე-4 ჩოგბურთელი, რომელმაც ავსტრალიისა და ამერიკის ღია პირველობები ერთ სეზონში მოიგო. აქამდე ეს მხოლოდ მატს ვილანდერს, როჯერ ფედერერსა და ნოვაკ ჯოკოვიჩს ჰქონდათ გაკეთებული.

სინერს არაჩვეულებრივი წელი ჰქონდა, რომელიც მელბურნში ტრიუმფით დაიწყო და ჯამში 5 ტიტული მოაგროვა, მათ შორისაა გამარჯვება ცინცინატიში რამდენიმე თვის წინ. თავის მხრივ, კორტზე შეკრებილი გულშემატკივართა უმრავლესობა ფრიცის დამარცხებით დამწუხრდებოდა, რადგან 2003 წლის შემდეგ, ამერიკის ღია პირველობა ამერიკელ კაც ჩოგბურთელს არ მოუგია. ბოლოს ეს ენდი როდიკმა მოახერხა.