ბოლო 25 წლის განმავლობაში პირველად - ფედერერს რეიტინგი აღარ აქვს

ჩოგბურთის შვეიცარიელი ლეგენდა, როჯერ ფედერერი ATP-ის რეიტინგის მიღმა დარჩა, რაც 1997 წლის შემდეგ პირველად მოხდა. ATP-ის განახლებულ რეიტინგში ბოლო 52 კვირის განმავლობაში მოპოვებული ქულებია გათვალისწინებული. ვინაიდან, როჯერს შარშანდელი უიმბლდონის შემდეგ არ უთამაშია, ის ახლა ქულების გარეშეა. წლევანდელი უიმბლდონის დაწყბამდე, 40 წლის ჩოგბურთელი 97-ე ადგილს იკავებდა. ფედერერი რეიტინგში პირველად 1997 წლის სექტემბერში, 16 წლის ასაკში გამოჩნდა, როცა 803-ე ჩოგანი იყო. როჯერმა ბოლოს გასული წლის 7 ივლისს, უიმბლდონის მეოთხედფინალში იასპარეზა, სადაც ჰუბერტ ჰურკაჩთან სამ სეტში დამარცხდა. ამ მატჩიდან მალევე კი ბოლო 18 წლის განმავლობაში მუხლზე მესამე ოპერაცია გაიკეთა. შვეიცარიელი იმედოვნებს, რომ გამოჯანმრთელებას ოქტომბრამდე მოასწრებს და კორტს ბაზელის ღია პირველობისთვის დაუბრუნდება. ფედერერს კარიერაში 20 გრანდ სლემი აქვს მოგებული, რითაც მხოლოდ ნოვაკ ჯოკოვიჩსა (21) და რაფაელ ნადალს (22) ჩამორჩება.

Tennis in shock as all-time great Roger Federer loses his world ranking for the first time in 25 YEARS https://t.co/bfvMCFL6KY — Daily Mail Online (@MailOnline) July 12, 2022