ცვლილება ჩოგბურთში | დიდ სლემებზე გადამწვეტი სეტის წესი იცვლება

1 წლის წინ

საჩოგბურთო სამყაროში მნიშვნელოვანი გადაწყვეტილება მიიღეს - დიდი სლემის ტურნირებზე გადამწვეტი სეტის წესი შეიცვალა. საქმე იმაშია, რომ დიდი სლემის ტურნირებზე, მე-5 სეტში თამაში იქამდე გრძელდებოდა, სანამ რომელიმე ჩოგბურთელი 2-გეიმის უპირატესობით არ გავიდოდა წინ. ანუ, ეს ის შემთხვევა იყო, როდესაც ანგარიშით 6:6-ზე ტაიბრეიკი არ ინიშნებოდა. აღნიშნული წესის გამო, 2010 წლის უიმბლდონის საჩოგბურთო ასპარეზი მსოფლიო ჩოგბურთისათვის ისტორიული აღმოჩნდა.

უამრავი რეკორდი ერთ მატჩში | ისტორიული შეხვედრა უიმბლდონზე, რომელიც ნიკოლას მაიუსა და ჯონ ისნერს შორის გაიმართა, სადაც გადამწყვეტ სეტში მოთამაშეებმა 138 გეიმი ითამაშეს.

ამიერიდან, ზემოთხსენებული წესი იცვლება, დიდი სლემის ტურნირზე, მე-5, გადამწყვეტ სეტში, ანგარიშით 6:6-ზე გაიმართება ტაიბრეიკი, სადაც 7-ის ნაცვლად, თამაში 10 ქულამდე გაგრძელდება. ახალი წესი, პირველივე დიდი სლემის ტურნირიდან, ანუ ამ შემთხვევაში, როლან გაროსიდან ამოქმედდება.

ზაზა კონცელიძე

სხვა სტატიები

მონპელიეს ტურნირზე ბასილაშვილის მეტოქე ცნობილია

ჯოკოვიჩმა უიმბლდონის მიერ რუსების წინააღდეგ მიღებული გადაწყვეტილება არ მოიწონა